31 Mar 2012

පුබුදු වෙනුවෙන් කෙරෙන බෝධි පූජාව සම්බන්ධවයි!

එකිනෙකා පරයන්න සමාජයක අනෙකා වෙනුවෙන් තප්පරයක්හෝ වෙන්කල හැකිනම් කෙනෙකුට එයද අරුමයක් වන්නට පුළුවන්. එහෙව් මිනිසුන් වසන සමාජයක තම මිතුරකුගේ ජීවිතය බේරා ගැනීම සඳහා තම වකුගඩුවක් පරිත්‍යාග කරන්නට අයෙක් ඉදිරිපත් වීමත් මහගු සත්කර්තව්‍යයක්

Photo Talk ගෲප් එක තුලින් මා හැඳිනගත් පුබුදු ඉන්දික විටෙක පෙරලිකාර චරිතයක් විනි. නමුත් කෙලින් කතාකරන මිත්‍රශීලී, තම කාලය නොමසුරුව අනුන් වෙනුවෙන් කැපකරන පුද්ගලයෙකි! තම මිතුරා වකුගඩු රෝගයකින් පෙලෙන බව දැනගත් ඔහු ඔහු වෙනුවෙන් කල හැකි සියල්ලම සොයා බැලූ පසු ඔහුට වකුගඩුවක් බද්ද නොකලහොත් ඔහුගේ ජීවිතය අනතුරක බව දැනගත් කල්හී තම වකුගඩුවක් ඔහුට දෙන්නට තීරණය කරන ලදි. එතැන් පටන් තමන් බාරගත් රාජකාරී වැඩ පවා පසෙක තබා පරික්ශන සඳහා තම කාලය වැය කරනු ලදුව තමන් ඒ සඳහා සුදුසු බව දැනගත් පසුව ඉමහත් ලෙස සතුටු විය!

ඔහුගේ මිතුරන් ලෙස අපට කලහැකිදෙයනම් ඔහු සහ රෝගියා වෙනුවෙන් සෙත් පැතීමයි. මේ එයට අවස්තාවයි!

posted by Kasunk @ March 31, 2012   4 Comments

30 Mar 2012

මේ මුහුද උඩ


ලොව වටා ලස්සන මුහුදු වෙරළවල්

































posted by Kasunk @ March 30, 2012   0 Comments

29 Mar 2012

මරියානා අගාධය පතුළට ගිය ජේම්ස් කැමරන්


ජේම්ස් කැමරන් චිත‍්‍රපට අධ්‍යක්ෂවරයෙකි. ‘ටෲලයිස්’, ‘ඒලියස්න්’, ‘ටර්මිනේටර්’, ‘ටයිටැනික්’ සහ ‘ඇබිස්’ පමණක් නොව මීට වසර කිහිපයකට පෙර සිනමා ලොවේ පෙරැළියක් සිදු කළ, ති‍්‍රමාණ තාක්ෂණයෙන් නිර්මාණය වූ ‘අවතාර්’ චිත‍්‍රපටයේ අධ්‍යක්ෂවරයා වන්නේ ද ඔහුය. ඔහු සුවිශේෂ හැකියාවන් රැසක් ඇති අයෙකි. ඔහු ලේඛකයෙකි. තිර රචකයෙකි, නව නිපැයුම්කරුවෙකි. එපමණක් නොව ඔහු දක්ෂ කිමිදුම්කරුවකු මෙන්ම ගවේෂකයෙක් ද වෙයි. විචාරකයන් ඔහු හඳුන්වන්නේ අර්ධ විද්‍යාඥයකු/අර්ධ කලාකරුවකු වශයෙනි. කැමරන්, ‘ටයිටැනික්’ සහ ‘ඇබිස්’ යන චිත‍්‍රපට රූගත කළේ මූදු පතුළට ගමන් කරමින්ය. ඔහු කුඩා සබ්මැරීනයක (කුමුදුවක) නැගී ‘ටයිටැනික්’ චිත‍්‍රපට නිර්මාණය කිරීම සඳහා ටයිටැනික් නැව ගිලී ඇති මුහුදු පතුළට ගියේය. ඔහු පෙරේදා (25) තවත් අපූරු වික‍්‍රමයක් කළේය. ඒ, ඔහු තනිවම කුඩා කුමුදුවක නැගී ලොව ගැඹුරුම මුහුදු  පතුළට ගොස් ආපසු පැමිණීමය.
කැනඩාවේ ඉපදී, නවසීලන්තයෙත්, ඇමරිකාවේ කැලිෆෝනියාවෙත්, ස්ථිර පදිංචිය ඇති කැමරන් (57) කිමිදුණේ පැසිපික් සාගරයේ මරියානා අගාධය පතුළටය. මරියානා අගාධය කිලෝ මීටර් 10.91 ක් ගැඹුරය. එය ලෝකයේ උසම කන්ද ලෙස සැලකෙන හිමාලය නැතහොත් එවරස්ට් කන්දේ උසටද වඩා ගැඹුරින් වැඩිය. 1960න් පසු මේ වන තෙක් කිසිවෙක් මරියානා අගාධය පතුළට ගොස් නොතිබීම ද සුවිශේෂී සිදුවීමකි. කැමරන්, මරියානා අගාධයට ගෙන යෑමට විශේෂ කිමිදුම් යානයක් ද නිර්මාණය කෙරුණි. ගැඹුරු මුහුදු පත්ලේ පැය හයක විතර කාලයක් රූ ගත කිරීම්වල යෙදී සිටීමට ද ඔහු අමතක නොකළේය. ඔහු ගමන් කළ කුඩා කුමුදුව නම් කර තිබුණේ ‘ඞීප්සී චැලෙන්ජර්’ නැතිනම් ‘ගැඹුරු මුහුදේ අභියෝගය’ යනුවෙනි. කැමරන්ගේ එම මෙහෙයුමට ලෝ සුපතළ ‘නැෂනල් ජියෝග‍්‍රැෆි’ ආයතය ද හවුල් විය. ඔවුන් පැවැසුවේ කිමිදුම ආරම්භ කිරීමෙන් පසු, කැමරන් පෙරේදා උදෑසන 7.52 ක වනවිට අඩි 35,756 ක් ගැඹුරු පතුළට ළඟා වූ බවය.
කැමරන් ළඟා වූ එම ස්ථානය හැඳින්වෙන්නේ චැලෙන්ජර් ඞීප් ලෙසිනි. එම ස්ථානයට එම නම ලැබුණේ 1960 දී සිදු කළ ගවේෂණ චාරිකාවෙන් පසුවය. එම ගවේෂණය ලෝක වාර්තාවක් ද විය. එම වාර්තාව පිහිටුවූයේ ජාක්ස් පිකාර්ඞ් හා ඩොන් වොල්ෂ්  යන දෙදෙනායි. ඔවුන් මූදු පතුළට ගියේ ‘බැතිස්කැප් ට්රීස්ට්’ නම් විශේෂයෙන් තැනූ කුමුදුවකිනි. ඔවුනට ඒ ගමන යෑමට පැය 5 ක් ගත විය. ඔවුහු මිනිත්තු 20 ක් සාගර පත්ළේ රැඳී සිටියහ. එහෙත් තාක්ෂණයේ දියුණුවේ පිහිටෙන් අගාධ පතුළට යෑමට ජේම්ස් කැමරන්ගේ කුමුදුවට ගත වුණේ පැය දෙකක් පමණි. කැමරන්ගේ කුමුදුවෙහි ඇතුළත වායුගෝලය සකසා ඇත්තේ කැමරන්ට පහසුවෙන් සිටිය හැකි පරිදිය. දිය යට අධිපීඩනය ඇතුළට නොදැනෙන ලෙසටය. එම නිසා කැමරන්ගේ කන්වලට ආරක්ෂක ආවරණ දැමීමට අවශ්‍ය නොවිණි. ඔහු ඉන්නා කුටිය ගෝලාකාරව තනා තිබුණේ ද සාගර පතුළට යද්දී මුහුණ දීමට සිදුවන අධිපීඩනයට ඔරොත්තු දෙන ආකාරයටය.

posted by Kasunk @ March 29, 2012   2 Comments

28 Mar 2012

ගිනස් පොතට ගිය මල්වත්ත


ගිනස් පොතට ගිය ලෝකයේ මුල්ම උද්‍යානයයි මේ. පිහිටා ඇත්තේ එක්සත් අරාබි එමීර් රාජ්‍යයේය. ලෝකයේ ඇති උද්‍යාන අතරින් එල්ලෙන මල් බදුන් වැඩිම ප්‍රමාණයක් භාවිතාකැර ඇති උද්‍යානයද මෙයයි.

posted by Kasunk @ March 28, 2012   0 Comments